Feh-kawng

Kan nitin feh mual a hla,
hun indaih loh reng a na.

Mup mup, nuai nuai,
huai huai, luai luai,
thlarau nei lo an ti
he khawpui hi.

Kiltin ah, nitin in
khawi lam atrang in,
hei zat engtin nge
an punkhawm le?

Hei ang zozai zingah,
hetiang mipui karah
hmelhriat awm si lo,
biangbiak tur awm lo.

Che rawk rawk,
kal hmawk hmawk,
tlan dawr dawr,
thawk bawrh bawrh,
hmanhmawh reng reng
ni leng!

Tlai hlau ke-pen an,
thawkmawh zing-hmel an
‘welcome’ an ziak lo;
‘min hnaih suh aw,
muthilh ka la mamawh,
breakfast ka la ei lo,
ka khuih hman lo sam pawh,
lipstick hnawih ka la ngai,
kan buai ngei mai!’

Feh kawngah hei zawng kan tlan,
Enge kan um, enge kan man?
______